翟威廉自爆單身7年，但一直有性伴侶，前女友陳庭欣表示：「佢形容嘅呢個生活模式，我諗都幾切合佢。」並稱讚對方做事認真、沉實、有義氣、不會佔人便宜，故身邊不乏朋友。對於事件發酵至這個地步，她語氣平和地說：「我睇到報道，成件事由一個IG Story發生，冇寫名，冇Tag人，相信係屬個人情緒抒發，但有時寫前可能要謹慎考慮吓，因為作為公眾人物，寫嘅任何內容都較容易受到大眾關注，繼而有機會延伸到胡亂猜測。」
至於與威廉創辦音樂直播節目《Happy Live》的周志康及周志文尊重好友的選擇，志康坦言：「每個人生活模式唔一樣，例如我會選擇結婚，但有啲人未必想結婚。以我認知，威廉的確好忙，現階段嘅佢有呢個選擇不無道理。」志文則認為每段關係都需要找到互相配合的人，只要他找到「這個人」就可以，又說：「當然作為朋友，都希望佢可以搵到個可以長遠發展嘅對象。」而不時亮相《Happy Live》的余思霆稱讚對方是很照顧她的前輩，但不太了解其感情事：「我知佢係個好鍾意自由嘅人，同埋會將好多時間放喺工作上，非常努力。」