明星足球隊領隊兼主席譚詠麟，昨日為電台新足球節目造勢。雖然父親是球壇名宿，但他自爆小時候被下令不能接觸足球：「話我太瘦弱，驚人哋踢親我。」又指放學要偷偷踢波。提到曾志偉返無綫做高層，可有獲邀開節目或做嘉賓？他指若有需要會義不容辭，雙方密密傾電話：「同佢講一定要做番音樂節目，希望做好香港樂壇，唔好分咩你台我台，最緊要齊心，我都有留意新一代嘅年輕歌手。」
提到他特別留意姜濤，並在社交平台大讚對方處理被惡搞一事大方得體，他說：「佢嘅EQ拍得住我，其實件事都係笑吓啫！」有網民指他會「燈死」姜濤，他笑說：「傻啦！咁容易『燈』死人，咁『燈』死咗好多人啦！」
