吳耀漢做心臟手術：有排都冇事

資深藝人吳耀漢兩名女兒因涉毒品案先後被海關拘捕，事發前吳耀漢接受電台主持車淑梅訪問，他透露近年除受腎病困擾外，10年前曾做2次通波仔手術，可是心臟血管依然出現栓塞問題，導致他呼吸轉差，故2月時接受第3次心臟手術：「未做手術前，行都冇氣力。」並指心臟科醫生要求他入院，盡快處理再出現問題的另外兩條血管：「住咗一日醫院，覆診時醫生話問題解決晒，我有排都冇事。」

另外，他自爆父親當年撈偏門起家，曾有不良嗜好：「嗰個年代好普通，眾所周知。」又指父親和李小龍的父親是「同道中人」：「嗰時小龍老竇同我老竇熟啲，佢哋都有呢個『興趣』，我寄宿嗰間房就係爸爸嘅煙房之一，因為聞到嗰陣味。」

此外，昨日記者聯絡他，問到可有為女兒找律師團隊？他說：「唔會答，唔關我事，唔會再答嘢。」然後匆匆掛線。