林二汶身材正 觀眾嗌除衫
入行20年的林二汶前晚首次在紅館開騷，表現風趣的她笑問觀眾可有聽過她的歌：「我好有自知之明，當然唔係全部人都聽過我嘅歌，入嚟有好多原因，好大機會係因為我靚，大家要珍惜時間望我靚樣，但我啲音樂都好聽嘅。」期間有歌迷大叫「除衫」，她笑言：「我入面得個Bra，真係想睇？雖然我身材好，但唔係雅俗共賞。」
她唱出已故拍檔盧凱彤的作品《大拇指之歌》向對方致敬，期間一度哽咽甩嘴，更用手拭淚。重視私隱的她表示兩年前的經歷，是無法形容的低沉，意指盧凱彤過世，她說：「有段時間要靠食鎮靜劑先瞓到覺，喺最壞時候遇到個人，就係我嘅師傅，我係道教弟子，我道號係『玄晞』。」