《聲夢傳奇》預告有驚喜導師
無綫《聲夢傳奇》早前一度傳腰斬，現以真人騷選秀節目「復活」。昨日15位參賽者與無綫副總經理曾志偉、星夢CEO何麗全等在將軍澳電視城出席記者會。何麗全透露節目會有驚喜的導師與嘉賓，亦趁機讓唱片公司揀蟀，星夢會擔任經理人角色。
志偉說：「班小朋友好有潛質，冇理由嘥咗佢哋，只係諗點做得更好。」問到委派甚麼重任給王祖藍？他說：「佢會負責幾個項目，4月會公布。」對於有傳他引薦馬浚偉回娘家做高層，志偉否認，並指《流行經典50年》年底會捲土重來。提到兒子曾國祥執導的《少年的你》入圍奧斯卡金像獎「最佳國際電影」5強，他說：「我打畀個仔，佢話：『老竇，犀唔犀利？光宗耀祖喇！』」他笑言對兒子攞獎冇信心，入5強「當攞咗」，為港爭光。
14歲的參賽者「翻版鍾嘉欣」鍾柔美與15歲的「少女G.E.M.」炎明熹不覺得經驗輸蝕，反而覺得年紀細吸收力強，2人稱會兼顧學業與比賽。