吳業坤18日K.O.500公里 襪都穿
歌手吳業坤趁30歲到日本Working Holiday（工作假期）圓心願，因在日本無所事事多月，自覺太廢，忽然興起挑戰「東海道53次」，用18日由關西徒步行到關東，給自己留個美好回憶。
前日他終於完成壯舉，行畢全程500公里抵達東京日本橋，最感動是有多位日本粉絲在終點等候並獻花，雖然行到跌爛眼鏡兼襪穿窿，但感到好滿足。完成挑戰後，他第一時間食三文治醫肚當慶祝，並表示：「用咗18日行咗500公里由京都行到東京，去到終點嗰刻心情好平靜、好滿足、好充實、好舒暢。本身係準備返香港嘅時候，覺得好似幾個月乜都冇做到，不如為自己人生留番一啲記號，就即興決定咗呢個零團費嘅旅途。我抖夠啦，我返嚟o架啦，不過等我留多幾日東京同去埋長崎睇櫻花就返，因為真係走咗唔知幾時先返到嚟日本。」
試過腳痛行唔郁
其後他回覆本報，稱衝線一刻好感動，最後一日旅程反而感覺最輕鬆，他說：「冇停低過休息，身體習慣咗咁樣行，好有狀態，仲記得第一日行20km隻腳係痛到行唔到！見到支持我嘅人喺終點等我，個感覺陌生又熟悉，仲收到好多禮物，大家等我返香港出新歌啦！」