朱智賢獲無綫放生 明日復工谷劇

朱智賢去年與黎振燁爆出負面新聞，遭無綫雪藏，雖然曾傳她復出做《東張西望》主持，但最終冇影！事發至今差不多1年，雖然她一直未有獲派工作，但亦積極洗底，不時於社交網上載行山及健身照片，希望重新建立健康形象。

「等公司安排」

據知，她獲無綫正式「放生」！其有份演出的劇集《愛美麗狂想曲》下星期一播映，無綫高層開會後，一致通過給她翻身機會，將於明日出席宣傳活動。昨日她受訪時表示：「一切都等公司安排吧！」

《愛》劇中，她與「蝦頭」楊詩敏周旋於曹永廉之間，飾演女強人的她打扮性感，更獻出螢幕初吻給阿廉，她透露於劇中有打拳戲：「劇中我有個好慘嘅經歷，同阿廉有關嘅，所以之後先會做女強人。至於打拳場戲，因為我唔識呢項運動，又未拍過打戲，唔識點用力，一嚟怕打親佢，二嚟又怕出嚟效果唔逼真，不過阿廉好好，佢知我驚，怕我有壓力，猛叫我照打，好多嘢佢都遷就我。」

阿廉：早知封利是

而阿廉笑言不知道自己奪得朱智賢的螢幕初吻：「我真係唔知，講聲唔好意思。早知拍完場咀戲我一定封番10蚊、8蚊利是畀佢，大家利利是是嘛！」