陳展鵬歌手夢 曾被恭碩良「嚇醒」
視帝陳展鵬接受TVB娛樂新聞台節目《StarTalk》訪問，講到重拾歌手夢推出新歌《零歲》感受：「98年有機會簽大公司出歌，當時做歌手嘅心態好強烈，但唔知做歌手需要咩，入錄音室見到恭碩良打鼓彈結他，我就乜樂器都唔識，當你見到恭碩良嘅畫面，先知自己實力原來距離咁大，會覺得點追。同期歌手出騷有陳奕迅、謝霆鋒，個個好有實力，每次到我上台，都會願主保佑，好大壓力，慢慢驚咗做歌手，唔敢再諗。」
他的新歌與監製舒文合作，他自嘲像新人：「同我錄音佢都好辛苦，佢好似教緊一個新人咁，個過程好迷惘，好似完全唔識唱歌咁，邊度抖氣，邊度用力都唔啱，自己好迷失，要慢慢返屋企做功課同練歌，錄完音我覺得對拍戲有幫助。」