陳伶俐大仔 讀港大「神科」
2008年離婚的藝人林敏驄與陳伶俐，育有兒子林肯及林善。林肯的IQ高達130，自小就是資優兒童，畢業於名校聖保羅男女中學，DSE所有科目更考獲5*或以上成績！他現時在香港大學修讀「神科」IBGM（International Business and Global Management），該科被視為大學商科精英，投身社會後必受青睞！
林肯與爸爸同樣愛玩音樂，與友人夾Band做主音，不時在社交網分享出Show影片，唱得的他彈琴亦有一手，中學時期已考到演奏級。
林敏驄受訪時指兒子讀書向來沒太大壓力，笑說：「佢話讀書好容易喎！（佢得你真傳，文武雙全又夾Band喎！）係咩？我叫佢攞條Link睇吓，佢話第日先。（你教佢彈琴？）我都唔識教。（想佢將來做咩職業？）佢自己揀啦，隨佢鍾意。」