袁偉豪晒肌自嘲：咁醜有鬼用
無綫小生袁偉豪早前出席無綫《萬千星輝頒獎典禮2020》，被網民批評狀態大不如前，甚至被形容為「醜男」！其後他發長文解釋因工作而殘爆，反擊：「繼續話我食軟飯！」，又在節目中喊冤稱要努力供樓：「我都要搵錢，我都要Keep好個樣，點知又畀你班人話面膠、醜男！」
努力自強的他，日前上載在健身室拍攝的赤膊照平反兼騷Quali，留言：「農曆新年食多兩餐都仲Keep到，還未六神合體。」似乎對結實的腹肌十分滿意！老婆張寶兒笑說：「不要讓別人無地自容吧！」好友林子善亦大讚：「你呢啲就係叫好基因，話咁快Keep番晒。」豈料袁偉豪自嘲：「但係我樣咁老，咁醜有鬼用咩！」林子善感同身受安慰：「我都成日咁畀人講，冇辦法啦！真係差！我哋只好繼續努力。」