馬國開火鍋店遇封城 龔嘉欣苦撐緊張到停經
「少婦聯盟」陳凱琳（Grace）、龔嘉欣及譚凱琪（Zoie）近日為邵氏節目《師父有請》任嘉賓，大談生意經。Grace透露父親是生意人，從未施加女承父業的壓力，她近年投資6位數字推出自家落妝棉，亦只是為了興趣：「生咗小朋友想多啲時間留喺屋企，又想保持工作，等個人會醒目啲，但我真係唔叻，所以搵拍檔幫手。（點揀拍檔？）揀本身有做開生意、係成功嘅，對方仲要話我知唔會畀呢件事衰，有呢個想法令我更有信心。」
譚凱琪嘆生意難做
而嘉欣近年於馬來西亞開火鍋店，所有細節由自己一手包辦：「火鍋利潤好高，當地仍然有明星效應，我哋去到都幾受歡迎呀！近排因為疫情要封城，生意有影響，我仲要畀員工包食包住，但難得遇到一班肯為你做嘅同事，所以惟有守住先。」她形容感覺血在流，更曾因壓力大一度停經。
至於曾經營過餐廳的Zoie，因種種因素無法繼續維持，最終選擇結束，她說：「做生意真係好難，特別係管理，樓面同事話請假就請假，真係好難搞。但如果好幫得手嘅廚師，我哋就會畀佢入股，咁樣佢會做得投入啲。」主持麥玲玲亦分享其獨特的生意模式：「因為命格問題，我唔可以真金白銀拎出嚟投資，好似同拍檔合股吉祥物生意，都係佢代我出資，我話保證一個月就會翻本，果然一個月就翻到本。」
