貝安琪混入銀行抹地
藝人貝安琪（Ankie）以索爆混血兒身份出道，當年在《使徒行者》穿低胸裝出場一幕，令觀眾留下深刻印象。近日她接拍一部德國電影飾演清潔阿姐，發揮喜劇細胞。
平日艷光四射的Ankie片中素顏示人，穿制服推着垃圾車出入，她笑說：「我做銀行入面嘅清潔工，個角色好特別，係最聰明嘅。原本係好嚴肅嘅戲，但拍出嚟又好有喜感，幾好玩。（要落手落腳做清潔？）我係抹地工人，真係要抹地！其實我喺德國拍過好多喜劇，自己都鍾意，覺得喜劇最難演得好，好有挑戰性，之前拍咗部《Vicky The Viking》破咗德國票房紀錄。」雖然返德國拍戲要與留港的4歲兒子分隔兩地，她坦言心掛掛，但同時又帶點開心：「因為有得瞓覺，唔使湊仔！」