霍嘉恩咀到見紅

有線主持霍嘉恩（Gracey）在處女舞台劇《戀上12星座》首次挑戰10多分鐘獨腳戲，大過戲癮，她說︰「不嬲對演戲有興趣，好難得有機會上舞台演出，真係好開心！不過疫情關係4度延期，最終變咗網上直播，有少少緊張，仲有種可惜、失落感，因為冇現場觀眾，冇得即時知道佢哋反應。」

Gracey最難忘被袁鎮業奪去舞台初吻，還笑指吻戲零浪漫︰「呢個係意外之吻，講男主角唔小心跌落我度。綵排有戴口罩，到真正公演先錫落去，錫咗落嘴角，感覺蝦碌多過浪漫，加上排戲嗰陣太投入，跌咗落地下整傷流血，真係好深刻！」她又指今次跳出舒適圈成功挑戰自我，之後會繼續學戲，希望將來有機會發揮。