周潤發痛別同學：一路好走！
吳孟達從影多年來合作藝人無數，其離世令不少好友悲痛，當中與他為無綫藝員訓練班同學的周潤發回應：「達哥一路好走！」另一同學鄧英敏祝願他安息，望他與已故同學導演林嶺東在天上見，又指大家以前間中有聚會，吳孟達每次都客氣地搶着埋單。
朱茵：「佢係非常好嘅演員，好值得人尊重。當年合作時我仲係新人，又喺外地拍戲，每餐飯佢都叫我一齊食，好唔捨得。」
吳志雄：「一年前曾經一齊食飯，最重要係佢走得安詳，我本來打算由內地返香港探佢。（遺憾？）都冇，生死好難講。」
黃一山：「佢好隨和，佢拍戲都係想帶畀觀眾歡樂，希望大家記得佢。」
任達華：「好可惜，佢獨特嘅演繹方式無人能及，為香港影迷製造咗好多回憶。佢嘅離世係演藝界損失，希望佢一路好走。」
楊千嬅：「佢嘅作品陪伴我哋成長，佢係非常有才華同幽默感嘅前輩，有幸曾經合作。」
何珮瑜：「佢好慈祥，會講點研究角色，教識我好多嘢。」