現年19歲的美國女網紅Zoe Laverne，早前與13歲少男Connor Joyce咀嘴，被外界狂轟。近日她突然網晒拿着驗孕棒的照片，宣布有喜，不少網民懷疑「經手人」是Connor！
來自印第安納州的Zoe靠視頻網站拍片走紅，其社交網追隨人數高達278萬，估計身家逾780萬港元！作風大膽的她，去年11月公開與13歲的Connor咀嘴片，惹來外界猛烈抨擊，指她有孌童之嫌！
近日她在社交網上載拿着驗孕棒的照片，並宣布懷孕，但未有公開經手人身份，隨即惹來網民熱議，紛紛猜測「BB老竇」正是Connor！眼見網上流言四起，Zoe其後上載拍拖3個月的男友Dawson Day合照澄清，指他才是經手人，叫大家不要再亂估：「Connor得13歲，除咗咀嘴之外，冇其他嘢發生過。你哋顧掂自己嘅事先啦，成件事根本唔合理！」
事後她再上載與男友的伸脷合照，指對方將會是好爸爸，並會令她成為地球上最快樂的女孩。而「準爸爸」Dawson則爆粗留言：「對於有白癡仔亂Ⅹ咁講，我至係老竇！Zoe同Connor冇搞過嘢，根本冇可能有BB。如果你冇好嘢講，就唔好出聲，實在好惡心！希望大家發放正能量。」至於Connor一於懶理，未有回應被屈做老竇一事，只上載自拍相呃Like。