張曦雯情人節零準備 靠男友做「煮」

張曦雯（Kelly）昨日出席美國運通信用卡記者會，直言向來愛網上購物，但因疫情關係收入減少，所以最近較為「忍手」，幸好今次的工作酬勞足以讓她繼續血拼。問到會否要求男友代找卡數？她說：「唔會，我哋財政獨立。（收入少咗，有冇用多咗男友錢？）唔會，我哋好公平。不過佢好有紳士風度，又好錫我，出去食飯係佢畀錢，我話畀番，佢唔會收。至於我自己嘅使費，就唔會用佢錢。」

準備北上隔離

問到剛過去的情人節如何慶祝？她自言並非浪漫之人，與男友在家中睇電視及食飯已很滿足：「佢平時唔下廚，嗰日難得下廚煮牛扒同埋整沙律畀我食，仲有送花！雖然之後2日間屋仲係嗰陣牛扒味，但我好欣賞佢，好有心。（咁你送咗咩禮物畀佢？）冇。（已經老夫老妻？）我性格係咁，一開始拍拖已經係咁，所以唔會有期望。」此外，她透露稍後就要去深圳拍攝劇集《白色強人II》，開工前要先隔離21日，笑言屆時會有很多時間打機及網購。