30歲MMA格鬥家Julian Marquez日前於拉斯維加斯擊敗對手後，受訪時向天后Miley Cyrus公開示愛。他說：「我等咗31個月嚟攞到呢支仆X咪，呢個係時候喇！Miley Cyrus，你願意成為我嘅情人嗎？」
被示愛的Miley前日情人節於社交網站留言搞笑回應：「將你嘅胸毛剃MC字，我就屬於你。情人節快樂同恭喜你，我嘅愛！」雖然未知Julian有否照做去剃毛，但查實Miley去年8月與澳洲歌手男友Cody Simpson分手後，未見有新男友或女友出現，感情生活勁dry。