李幸倪漏口風 有「嫁」期

環球歌手李幸倪（Gin Lee）日前偕組合P1X3L成員Phoebus、George、Marco及師妹陳凱詠迎牛年，由於疫情關係，她首次未能返馬來西亞與家人團聚，只能靠視像拜年。提到有富貴男友陪不愁寂寞，她冧笑連講7次「係好朋友啫」，被取笑真情流露，她即緊張到講錯嘢：「我紅都面晒，交唔到戲呀！」然後欲拉開話題，又強調工作對她很重要，但問到何時嫁人，她終剖白心底話：「近排成日諗離開屋企都11年，爸爸媽媽都老，希望呢2年做到最好，之後可能Take a Break，你明啦！」