陳法拉趕尾班車做「鼠媽」 誕混血B女

陳法拉兩年前與法籍男友Emmanuel Straschnov結婚，從此定居美國做人妻，同時繼續兼顧演藝事業，原來兩口子去年秘密造人成功，B女趕及於鼠年底出世。昨日這位新手媽媽公布喜訊，上載與老公手握BB手仔的合照，及於海邊拍攝的大肚相，留言：「十月懷胎真是不容易，但由看到她的那一刻開始，就覺得甚麼都是值得的。我們滿心歡喜地開始做新手爸爸媽媽喇！」

前夫大方恭賀

法拉接受本報訪問，透露女兒樣子似她，有很深的小酒窩：「我順產嘅，多謝大家祝福，因為係新手媽咪，所以好忙碌，希望盡快同大家見面，亦祝大家牛年身體健康。」其前夫薛世恒亦送上祝福：「戥佢開心，恭喜！多謝大家！」

曾與法拉合作多套劇集的鍾嘉欣亦留言祝賀，她受訪時表示不知對方佗B，很替她開心：「相信佢係好媽媽，祝福法拉喺人生另一個階段會有更多嘅愛同歡樂。」楊茜堯則幫愛女搵定「閨蜜」：「生咗個女好呀，可以同我個女做姊妹！希望有機會同佢分享啦！之前我佗B時都冇機會同佢見面，希望遲吓返香港見吓面啦！好掛住佢。」好友馬浚偉亦很開心：「見到法拉生活得開心最緊要，搵到自己心愛嘅人同有埋BB，好戥佢開心。」至於好姊妹胡蓓蔚則希望疫情盡快過去，好讓法拉一家三口返港聚會。

此外，薛家燕昨日也報喜宣布做嫲嫲，受訪時難掩興奮，表示等做嫲嫲等了一段時間，如今終如願感安慰。