贖完老公失蹤 王君馨勾佬？

除了綁架案之外，劇中還牽涉一筆失蹤贖款，飾演譚俊彥太太的王君馨交贖金後不知所終，後來被揭發與張達倫關係耐人尋味，但張達倫同時想翻撻前妻江欣燕，感情錯綜複雜。君馨透露與譚俊彥首次合作已相當合拍：「同佢合作好舒服，我哋都喺外國讀書，大家有時會用英文溝通，我哋又會將自己平時夫妻相處嘅細節加入角色，令角色更真實同生活化。」她又指有幾場喊戲特別難忘，感激對方運用不同方法助她入戲：「喺佢身上學到好多嘢，我好幾次同身邊朋友講佢係好對手，大家好合拍。」劇中譚俊彥亦夾在古板父親姜大偉及「竹升妹」太太王君馨之間，左右做人難。