唐貝詩3人組創業 傾好「日落前嬲完」
藝人唐貝詩（Lydia）、「40億千金」蔡頌思（Jocelyn）及陳雅麗（Allie）老友鬼鬼，3人早前合作創業，創辦專門售賣低碳及無糖甜品的網店，並趁新年製作健康甜點應節。
3人均有家人患糖尿病，故她們推出的產品強調糖尿病人或生酮飲食人士也可食用，Jocelyn就後悔做得太遲：「我嫲嫲有糖尿病，佢已經過身，佢好鍾意食嘢，我影過一張佢偷食完好開心嘅相，我成日都諗如果佢試到我整嘅甜品就好。」說時不禁感觸哽咽。她又自爆讀書時是地獄烘焙師，爸爸還試過食崩牙，幾經磨練，現已升呢為天使烘焙師。
講到好朋友做生意最易反目，她們以「不可含怒到日落」為金句化解紛爭。Lydia認為3人是完美組合﹕「Jocelyn鍾意整嘢食，我就鍾意研究營養，Allie就好嘴刁。」