陳展鵬與單文柔（Phoebe）的女兒「小豬比」得意可愛，展鵬不時要開工，湊女任務就落在Phoebe身上。小豬比下月便滿2歲，與媽咪如餅印一樣，相當精靈。除了會跳舞、餵提子冧爸爸外，她現時更識得扮憂鬱，一個眼神，戴住口罩都感受到她那股「戲」，相信這個眼神都是遺傳自陳展鵬吧！
而稍後才開新劇的陳山聰趁有時間就日日黐實囝囝陳霆軒（Jaco），出世時似足媽媽的Jaco，對得爸爸多，現時表情都似足山聰，又Chok又靚仔，連山聰都不禁晒父子照兼留言：「2月第一日我大佬話咁快就7個月喇！好矛盾呀！又唔想你大得咁快！」分分鐘遲多幾年Chok過爸爸添呀！