陳婉婷披嫁衣望早日生B
「最索丫鬟」陳婉婷早前公開「婚照」驚爆「婚訊」，令不少宅男心碎驚呼「女神封盤」！但其實只是為婚紗攝影公司擔任新一任代言人，見她換了兩套婚紗，先以薄紗裙展現仙氣，再跌膊晒線頭，誠意十足。她坦言今次除了淨袋6位數字酬勞外，合作的男模更待她如公主般呵護備至，令她充滿戀愛感覺，更直指勾起對結婚的憧憬。
婚後繼續搏殺
雖然她仍然單身，但就坦言恨嫁，並希望早日生B，擁有一個溫暖的家。不過，近年開直播殺出血路的她，直指婚後繼續做事業型女性，不介意「女主外、男主內」，她說：「我真係好鍾意演戲，演到一場好嘅戲，觀眾跟住我喊、跟住我笑，呢個滿足感係其他嘢畀唔到我嘅，我諗住做到羅蘭姐嘅年紀都繼續做，所以如果屋企有人喺背後支持自己，減輕壓力、幫手照顧小朋友係好緊要。」
問到對另一半的要求？她希望對方能與她「共富貴、共患難」：「我覺得食咩着咩都唔係最緊要，最緊要係同邊個食、同邊個過。」