張敬軒開新公司 情根早種
張敬軒終圓夢成立自家唱片公司品牌，日前他接受電台訪問時透露公司名「Fitto Records」的由來：「前年我同公司申請咗想開個新label，畀自己喺音樂上有更大自由度，同埋想將自己嘅資源畀啲新人。咁我都係鍾意做活化project，而英皇嘅前身就係飛圖，所以膽粗粗問老闆係咪可以用呢個品牌名，佢二話不說就應承咗。」
軒仔又指對飛圖這品牌早就情根深種，皆因小時候曾擔任「伴唱歌手」，每逢周五、六、日必到母親經營的小型卡拉OK打躉：「我去玩同練歌，咁我媽咪嗰度係正經場，冇伴唱嘅，有客人需要伴唱時咪我唱囉，因為嗰時未變聲，仲係女仔聲。」他記得每次唱《相思風雨中》、《相逢何必曾相識》及《現代愛情故事》等經典金曲時，飛圖的logo就會在螢光幕出現。