劉穎鏇高手指點 幫陳家樂攞威
兩位「猛男」陳家樂、丁子朗打籃球並不耍家，昨日拍攝打波戲時，竟然被好波之人劉穎鏇攞晒彩，全靠她的指導，2人才打得似模似樣，家樂笑言入了他人生第2次的3分波呢！
陳家樂、丁子朗、劉佩玥（Moon）、劉穎鏇（Tiffany）等一班無綫劇集《把關者們》演員，昨日拍攝一場打籃球戲份，家樂表示這幾天拍得很吃力，不是打波就是行山，前晚本來要與子朗一起落海，幸最終導演取消了這場戲。家樂說：「講到打籃球，我真係唔掂，Tiffany係高手，佢見我動作有問題，即刻指導我，令我入咗人生第2次嘅3分球。」
丁子朗食極唔肥
而於外國長大的子朗表示小時候多打羽毛球，本來想玩曲棍球，但遭母親阻止，他說：「我細個好孱好瘦，媽咪驚我受傷，所以唔畀我玩，依家都有飲奶粉增肥，食極都唔肥。」3月他要開拍青春劇《青春不要臉》，身為90後的他演繹80年代角色：「會懷舊啲，監製都要求我留長少少頭髮，暫時只係知劇中角色唔係靚仔，有少少醜添！」
原來Tiffany於6歲開始打籃球，談到家樂、子朗的球技，她說：「佢哋今朝先開始學，姿勢好好，出嚟效果好似真係好叻咁，今次劇入面我係一個體能好差又蝦碌嘅人，今日只係做啦啦隊。（鍾意打籃球叻嘅男仔？）未必係籃球，但都鍾意運動型。」
Moon表揚在職媽媽
劇中與黃庭鋒飾演夫婦的Moon，首次飾演人母，很喜歡小朋友的她笑言此角可以表揚在職媽媽：「原來生小朋友真係要考慮好多嘢，今次拍呢個角色令我諗咗好多！」