凍冰冰拍落水戲 陳家樂心口貼暖包：當胸肌啦 ！

陳家樂着起制服勁有型，師奶粉絲又要尖叫！

袁偉豪、黃智雯、陳家樂與王敏奕等昨日在將軍澳電視城出席劇集《把關者們》開鏡拜神，齊齊以海關制服示人。提到近日天氣寒冷，飾演見習督察的陳家樂擔心要拍落水戲：「遲啲要上山下海，過幾日仲好似話好凍同埋落雨，但係要拍落水戲，都唔知點樣黐暖包！或者黐喺個胸度當胸肌啦！哈哈。」王敏奕演Mean爆上司，她笑說：「近期啲角色愈做愈惡，幾時先可以做番真實嘅自己！」至於袁偉豪與黃智雯合作10多次終於昇華演夫妻，他笑說：「我哋有『床戲』o架！成日瞓喺張床度傾偈，但就冇乜動作。」黃智雯則笑指最親熱的戲份，要數到對方為她洗頭，笑言幻想以為會有夫妻沖涼戲。

陳自瑤冇同老公慶祝

而陳自瑤劇中與C君演情侶，還有浪漫場面。講到老公王浩信奪視帝，可有抽時間一齊慶祝？她說：「佢嗰晚都答咗，話好忙！冇時間慶祝。（有冇重溫番？）冇呀！都係睇新聞。（網民話你先係『最佳女主角』？）多謝畀面，衷心多謝。」

王敏奕演惡死上司，笑言同現實相反。	袁偉豪與黃智雯恨到升呢做「夫妻」，仲話會有床戲！	陳自瑤與C君戲中做情侶，即場跳番Part舞搞氣氛。

另外，羅天宇承認近日駕駛時被交通警員截查指車窗太黑，要換玻璃兼驗車，他表示玻璃較黑是希望開工時有較私隱的地方休息，年多前試過因瞌眼瞓撞車。