陳庭欣收「露械相」嗌核突
除了劉芷希被人以傾談代言工作為由，之後使計提出「陪瞓」甚至勒索金錢，其實圈中不少走性感路線的女星也曾收過「另類工作」邀請，幸而她們醒目，不致中招。
當中孫慧雪昨日受訪時透露初入行時曾收過電話，並以幾萬元酬勞作利誘：「佢話做主持，但要着泳衣出公海，真係九唔搭八！記得有問啲前輩呢間公司嘅嘢，佢哋叫我唔好理，話係不道德嘅嘢，所以我即刻推咗佢。」而「蜜桃胸」陳庭欣則說：「有收過呢啲訊息，通常我都唔理，有啲仲擺自己陽具嘅樣出嚟，好核突。」至於上圍同樣Big爆的陳婉衡說：「之前試過有人私訊搵我做嘢，點知經理人傾完話係飯局，跟住我就冇理佢。」