台灣天王周杰倫（周董）紀念入行20周年的巡迴演唱會香港站，分別受社運、疫情影響3度宣布延期，原定2019年12月於迪士尼露天場地開唱，先後改至去年11月及今年4月，昨日落實今年8月底於中環海濱舉行共6場演出。演唱會主辦單位、寶輝娛樂董事總經理謝嘉豪昨日於網上記者會指暫時有20%歌迷選擇退票，又特別感謝周董無限量支持，每次改期都好快配合。
演唱會一波三折，他自爆已損失400多萬，預計順利開騷需投放多1倍資金籌備，例如保險、各項風險評估等，特別於防疫措施落重本，入場會探熱，派發紀念口罩、消毒液、面罩，歌迷亦要於睇騷前72小時填寫健康申 報表，以及要上台演出、工作人員全部都會做檢測。蝕做之下會減周董歌酬？他說：「合作咗咁多年佢哋都好體恤我哋，周董經理人個口頭禪係叫唔好蝕本。」至於會否隔開座位保持社交距離？他謂要再等政府通知，不過相信中環海濱活動空間有足夠位置安排。現時瘋傳周董老婆昆凌佗第3胎，笑問「陪產」是否其中因素令對方決定延期個唱？他笑言傳聞未有官方證實，稍後會傳短訊問對方求證。