魏駿傑買定坐廁 「營」男自駕遊

魏駿傑自與嫩妻張利華離婚後，便做了「帶女洪郎」，與10歲女兒Jessica相依為命，父女情更因疫情而變得更鞏固，最近更四出郊遊玩自駕露營遊！日前見他的社交平台甫出與女兒欣賞日落的相片，相當寫意。
魏駿傑陪着女兒看日落，夠晒溫馨。
魏駿傑陪着女兒看日落，夠晒溫馨。

談到自駕遊，他說：「郊野公園營地因疫情全部封晒，所以我哋嘅營地會冇廁所，我就網購咗一個可用膠袋包好排泄物嘅坐廁，真係好好用。」因與女兒同行，作為父親當然照顧周到，他說：「基本嘅露營裝備我向來都有，但想個女舒服啲，我會加強裝備，例如保暖、唔好畀蚊蟲咬……最近更網購咗一個好大嘅帳網，可以蓋住架車，我哋露營就可以打開門窗。」

天下父母心，魏駿傑對女兒可謂呵護備至。
  • 天下父母心，魏駿傑對女兒可謂呵護備至。
為了與女兒享受露營樂，魏駿傑事前準備了半個月。
  • 為了與女兒享受露營樂，魏駿傑事前準備了半個月。