魏駿傑買定坐廁 「營」男自駕遊

魏駿傑自與嫩妻張利華離婚後,便做了「帶女洪郎」,與10歲女兒Jessica相依為命,父女情更因疫情而變得更鞏固,最近更四出郊遊玩自駕露營遊!日前見他的社交平台甫出與女兒欣賞日落的相片,相當寫意。

談到自駕遊,他說:「郊野公園營地因疫情全部封晒,所以我哋嘅營地會冇廁所,我就網購咗一個可用膠袋包好排泄物嘅坐廁,真係好好用。」因與女兒同行,作為父親當然照顧周到,他說:「基本嘅露營裝備我向來都有,但想個女舒服啲,我會加強裝備,例如保暖、唔好畀蚊蟲咬……最近更網購咗一個好大嘅帳網,可以蓋住架車,我哋露營就可以打開門窗。」