湯沛宜拍住黃榕 一臀和氣
乳神湯沛宜（Toto）擁有F cup健美體態、結實美臀，近日與黃榕（Gloria）合拍健美照，同穿比堅尼上陣，互搽油扮錫錫，Toto笑言不擔心惹SheShe緋聞：「係人都知黃榕鍾意大隻男啦！」
曾在健美比賽中獲得多個比堅尼模特兒獎項的Toto，近來升呢做健美教練，與熱衷參賽的黃榕最老友，黃榕參加健美比賽，她便以教練身份到場督師。早前Gloria找來攝影師，2人在影樓拍攝美照，穿上超性感比堅尼，大晒零贅肉身材。
Toto對自己身材脂肪比例滿意，臀部夠翹又結實，對近日殺入做健美教練，認同會有優勢，她說：「依家教單對單Posing訓練，傳授新手擺甫，其實之前都有其他男教練介紹女學生畀我，始終健美比賽嘅Posing，男士唔係咁在行。」
打開居港韓人市場
她去年認識了一位居港韓國選手，獲對方介紹不少韓籍學員，笑言：「估唔到開拓咗居港韓國人嘅市場。」她不認為健美屬冷門運動，相反覺得是一個出路：「愈參加健美比賽愈發覺有商機，健美比賽好多過程都需要專人指導，好似出場姿態、上台個人形象指導、化妝等，同埋依家好多新興嘅健美比賽好多元化，又有美臀小姐選舉。」