馮盈盈處女下海 浴誘網民撳鐘仔

昨日馮盈盈網晒一張泡泡浴照，宣布開設個人影片頻道，留言：「我覺得內容都頗具資料性和有趣，但拍出來的效果，香艷到自己都唔敢睇，如果大家有時間就望望啦！」更呼籲大家踴躍訂閱頻道及「撳鐘仔」，以開啟頻道通知功能。

「處女片」是她介紹6招去水腫秘方，其中一招是浸浴促進新陳代謝，而她並非得個「講」字，而是素顏上陣在酒店房拍片。為了響頭炮，她實行大贈送，以浴巾裹身大晒香肩及美腿，更騷出白滑美背，邊戲水邊吹泡泡，果然如她所說般非常香艷！

網民提議拍AV

短片上載1日，收看次數已有1萬4千次，網民狂讚她夠索夠火辣，並揚言會「撳你鐘仔」：「睇到流晒口水」、「把聲好聽唔嘈」、「終於可以撳到FYY（馮盈盈）鐘仔」，但有少數網民卻「倒米」，指她可以去拍AV，也有人問她為何出浴要包浴巾，她亦有回覆：「因為唔用會出唔到街。」而圈中好友亦有捧場，合作主持《#後生仔傾吓偈》的陸浩明留言：「浸吓浴傾吓偈？你將會衝擊平台底線？」