胡杏兒佗B大晒 推走5劇
宣布懷有第3胎的胡杏兒，昨日繼續開工拍廣告吸金，拍照時戴口罩做足防疫措施。她透露現時懷胎差不多6個月，暫未知胎兒性別，因怕開刀，希望分娩時順產。問到是否3個夠晒數？她說：「夠喇啩，雖然老公好恨生女。（如果再生仔？）我諗都要封肚，生唔係問題，但教育佢哋要好多精力同心血。」
過年後才停工的她，因懷孕而推掉多部內地劇：「我推咗5部劇，依家除咗做孕婦都做唔到其他角色。（損失幾多？）唔敢計，未去到講價錢，損失係同啲好拍檔合作，生完再努力。」問到是否負擔大，所以即使有孕，之前仍返內地工作？她說：「貴有貴養，平有平養，我哋崇尚平養，所以唔係話有負擔，最緊要有咁嘅機會。」