胡定欣收入大減 搣積蓄度日
視后胡定欣昨日冒着嚴寒，穿超短連身裙的單薄春裝騷美腿，在銅鑼灣出席維特健靈旗艦店開幕活動並擔任剪綵嘉賓，期間她讓駐場的中醫師把脈，她笑言平時有看中醫的習慣：「之前拍戲比較辛苦，好彩有調理，冇咩病痛，同埋經歷咁大嘅疫情，大家都更加着重健康。」
她續指以往的除夕都會出席倒數活動，但因疫情關係，會安在家中，並已約定閨蜜晚上透過視像倒數。她自爆整年沒出席活動搵外快，問到收入是否大受影響？她說：「我冇特別去計，亦都唔使計，有句說話好啱『好天斬埋落雨柴』，好彩過去兩年有唔同嘅工作做，又有積蓄，唔需要擔憂已經好好。」