有咩新年願望？蔡思貝大想頭 馬國明求財

蔡思貝：

「上年未完成嘅目標係身形上想更加Fit、想操大一個碼，今年我仲想上多啲課程，好似跳舞，學更加多嘅嘢，希望有時間同埋專注力可以做到！」

馬國明：

「上年未達成嘅目標係因為疫情搵得唔夠多錢，所以希望今年疫情快啲過去，等香港人、全世界都可以過正常生活，大家搵多啲錢、身體健康。」

龔嘉欣：

「因為上年工作太忙，雖然開始咗學古箏，但嚟緊都想勤力啲上堂，希望快啲可以表演畀大家睇！今年想做到一啲觀眾未見過嘅角色，喺螢幕上分享。」

羅天宇：

「喺唱歌上想突破一個關口，但係一直未做到，2021年我會更加畀心機，希望可以唱到想唱嘅歌，突破到一啲音域！」

張振朗：

「上年做唔到嘅嘢就係Keep住去做Gym，因為疫情，健身院都不定期開放，希望2021年可以堅持到，畀觀眾睇到我更完美嘅身形！」