譚嘉荃戒澱粉質瘦身 漢洋抗疫肥20磅

不少藝人留家抗疫，缺少運動兼喪食，出現「抗疫肥」！漢洋近期足足重了20磅，相反好拍檔譚嘉荃卻在這段時間成功收身，她說：「我用咗2、3個月減肥，因為上半年捐血時，發現自己肥咗成10磅，之後就減少食澱粉質，唔畀自己食多過1碗飯，同埋食健康減肥補充品，估計依家應該瘦咗6至8磅。」
譚嘉荃除了節食外，亦有做運動減肥。
譚嘉荃除了節食外，亦有做運動減肥。

至於漢洋坦言試了多種減肥方法，可惜依然失敗：「試過幾種方法都唔成功，主要係我咁多年都去健身室做運動，依家因為疫情，都好一段時間冇去過，相信要習慣喺屋企做運動同埋喺飲食方面着手。」

漢洋自認面大，比譚嘉荃搶鏡。
  • 漢洋自認面大，比譚嘉荃搶鏡。