林景程爭男配興奮度降溫

藝人林景程最近在無綫劇集《香港愛情故事》演經紀佬，精警對白道出不少人的心聲，觀眾甚為受落，他直言始料不及：「其實演嘅時候好驚，對自己嚟講係新嘗試，監製同編審畀咗好大自由度我，所以會自己度對白，好似『停經都買唔到樓』係自己加。（網民想搵你帶佢哋睇樓？）死硬，現實生活嘅我係口齒不清。」問到可有計劃置業？他直言要靠父幹：「爸爸畀咗好大份，之後自己供。（買樓結婚？）未計劃，不過今年37歲，都覺得自己老。本身鍾意小朋友，唔想同佢哋差距太大，所以睇緣分。」