何嘉莉自認嚴母鬧鑊甘

藝人何嘉莉育有3個小朋友，講到疫情下的生活，她笑言初時「人都癲」：「細女仲太細，另外2個又嘈到不得了，嗰段時間幾大壓力。」她又自認嚴母：「我唔係虎媽，唔會逼佢哋學好多嘢，但對佢哋嘅品格要求嚴謹。（你會打定係講道理？）兩樣都有啲，依家唔可以完全用打嘅方式，久唔久真係好唔聽話就會打手板，等佢哋知道唔啱，但盡量講道理。自己鬧完覺得好甘，夜晚臨瞓前會同佢哋傾偈講番個問題、傾心事，我同大仔會多啲傾，因為佢大個啲可以溝通。」她笑言做人媽咪甚艱難：「養兒一百歲，長憂九十九，好多嘢都擔心，所以一定唔會再生第4個。」