蔡嘉欣 爆馬德鐘「假正經」
藝人蔡嘉欣日前出席活動，透露近日剛拍完《飛虎之壯志英雄》、《金宵大廈2》及《智能愛（AI）人》3部劇，其中在處女作《飛》劇演女警，與馬德鐘及黃宗澤等同組，她坦言對住前輩做戲很緊張：「個心砰砰跳，但佢哋好好，不斷叫我放鬆啲，我亦因為呢套劇發現自己鍾意拍劇。（有冇緊張到狂NG？）拍之前幾日已經背熟啲稿幾百次，所以好彩唔係NG太多。」
提到對住多位型男開工，她笑言目不暇給，更大讚馬德鐘有型又親切：「原來佢好幽默，之前以為佢好正經，但原來私下好好笑，而且佢真係好犀利，明明一齊講緊笑，但聽到Action就可以即刻講番3頁紙對白。」