Ben奪冠被起底 住獨立屋有錢仔

爆冷跑出的《造星III》冠軍Ben隨即被起底，有讀者爆料指他生於單親家庭，家境富裕，住元朗四季名園獨立屋兼有司機接送，從商的母親與藝人萬梓良是世交，以兄妹相稱。而他賽後受訪坦言冇諗過勝出，對於曾被節目監製「花姐」睇死10強不入，他笑言亦認同，至於未來發展方向，他表示未決定：「如果粉絲鍾意我唱歌就會唱歌。（想做林宥嘉2.0？）人哋覺得我似佢啫，如果鍾意我唱佢啲歌，都會唱，但依家未有唱片公司。」