- on.cc 東網主頁
- 3月22日 (六)
疫情下各行各業都大受打擊，不過莊思明看準商機，最近投資7位數開食肆又推出自家商品，並在將軍澳新開第5間分店，在飲食界大展拳腳。日前她趁不用拍劇，就到新店打躉做生招牌及幫忙打點。她受訪時說：「都有人話喺呢個環境下開舖好勇，但我哋係有計劃同充裕嘅流動資金先投資。」她透露稍後將再有分店開張及有特許經營權的加盟商，笑言目標是每區都有其分店：「如果可以開到好似便利店咁都唔錯！」
面對第4波疫情來勢洶洶，她稱已有過往經驗，所以對生意不太擔心：「依家生意OK，冇諗過幾時回本，因為我哋賺咗錢唔會即時分錢，而係再投資，所以今次開舖我唔需要再攞錢出嚟。」她認為要在疫境求生，唯一方法是求變：「之前經歷過生意最差係一個客都冇，成條街係冇人，好多人因為疫情而唔敢出街，所以我哋要推出商品，有長啲食用限期，畀人方便買返屋企自己煮。」
首次投資飲食業即一擊即中，入股未夠1年已有回報，思明自誇是投資了對的人，但所指的並非股東兼男友楊明，而是另一位圈外人拍檔：「我同楊明要兼顧幕前，拍檔就全職睇住盤生意，好多構思都係佢諗，我哋都好多謝佢。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
