陸詩韻金光閃閃迎生日

藝人陸詩韻本月29日生日，她前晚於社交網上載聖誕照，身穿金色雪紡低胸裙趴在梳化上，騷胸半露，非常誘惑，並留言「女人40」！她受訪時笑言照片已影了多時，問到聖誕及生日有何節目，她說：「冇呀！大家都好安全，留喺屋企，生日冇特別Plan，都係約咗朋友食Lunch，今年靜靜哋，就嚟40歲，畀自己消化吓，幾特別！」說到快踏入4字頭，她坦言一點也不擔心，自覺是知性型，又認為現時女人愈年長愈有味道，太年輕反而入世未深，感覺大有不同。