前有線主播嚴崇天與瑪姬合資租地舖舉行直播購物平台，黃芷晴日前現身撐場，吸引不少Fans到場隔住玻璃「觀星」。芷晴笑言為好友獻出初體驗：「首次做平台直播，帶埋自家設計嘅衫、飾物、香薰、袋等寄賣，諗唔到反應咁好，希望繼續參加朋友嘅直播節目，好好玩！」她為好友送上頸巾及耳環，又代父親黃日華送鳳梨酥。而嚴崇天表示該平台之後會以不同主題開Live，或會邀中醫師、健身教練及物理治療師等擔任嘉賓。
