莊思敏爆女星 踩上門撬牆腳

繽FUN星網節目《娛樂揞名爆》，一連6集請來藝人莊思敏（Jacquelin）及范振鋒做主持，第2集大爆圈中人「撬牆腳」。Jacquelin透露曾有女演員揀中「獵物」，專程到訪男方家中，除了用手機拍下四圍環境外，還手抱其愛犬拍照，並放上社交網：「要令人哋女友知佢哋曖昧緊，個女仔仲要用同一方法搶咗兩條仔返嚟！」
范振鋒與莊思敏於娛樂圈打滾多年，見過不少女星搶人男友。
范振鋒與莊思敏於娛樂圈打滾多年，見過不少女星搶人男友。

阿范則爆某女星專吼有另一半的男士，即使不是心儀對象，純粹為搶屬於別人的東西：「佢見人哋成雙成對出現，會不斷同個男士傾偈，完全無視個女仔，只係一直瞪住男士，到人哋另一半火滾出聲，佢就會出口術話人小器！」

莊思敏未試過做第三者。
  • 莊思敏未試過做第三者。