馬國明：娶老婆好過攞視帝！

馬國明唔諗冧莊，坦言睇好袁偉豪攞視帝！

無綫台慶劇《使徒行者3》昨日在將軍澳電視城宣傳，馬國明與袁偉豪談到「視帝」之爭，前者說：「今年好平均，睇好袁偉豪、王浩信，但係唔覺得邊個係大熱門，睇吓邊個好運啲。（今年冧莊視帝？）唔諗呢啲，畀多啲錢我好過。」講到繼續行運奪視帝，袁偉豪笑說：「夠㗎啦！娶到老婆已經好好運。」與湯洛雯熱戀中的馬國明則說：「娶到老婆仲好過攞視帝，結婚係人生大事，搵到伴侶係一世，好過攞獎。（出年娶老婆囉？）我再話畀你聽。」

袁偉豪對於去年失「視帝」感失望：「最想攞嗰年畀馬國明攞咗，我明白係要睇運數，付出同演出唔成正比，好真心經過上年之後就放開晒。（攞唔到視帝心酸？）梗係心酸啦！減咗20磅，係用生命去演出，但係個角色就唔係好受歡迎，冇辦法，要睇開啲，衝破咗呢個關口就唔會鑽牛角尖。」

袁偉豪	蔡思貝表示聖誕會留在家過節。

蔡思貝扮唔識胡鴻鈞

蔡思貝被問到聖誕可有買禮物給緋聞男友胡鴻鈞？她笑說：「邊個嚟o架？」又拉開話題笑謂只會買禮物給賴慰玲的囝囝。問胡鴻鈞沒有約會她嗎？她說：「冇喎！會留喺屋企過節。（邀請胡鴻鈞返屋企慶祝？）屋企好細唔夠裝，已經full house。」前日生日的黃智雯與家人同時慶祝冬至，男友更送上驚喜禮物。