李亞男誕大鼻妹 王祖藍：個樣唔似我
王祖藍太太李亞男2018年誕下女兒王天韻（Gabby），昨日趁Gabby 2歲生日，他們在社交網上載一家四口照報喜，宣布再度榮升父母，細女王海靜（Hayley）終於出世！見B女頭髮多多，非常可愛。據知，細女在上海出世，他們對新成員降臨非常興奮，齊齊送吻！祖藍發揮搞笑本色，自嘲快沒地位：「3個女人1個墟，1個男人戇居居。」並感恩表示女兒不似他：「最緊要係個樣唔好似我，似晒媽咪就可以。」
有經驗 唔緊張
至於剛生B的亞男精神奕奕，沒有半點水腫。她自爆2位女兒樣貌非常相似，細妹更是大鼻妹：「佢同家姐一模一樣樣，見到佢就好似見到啱啱出世嘅家姐咁，唯一唔同係Hayley個鼻，好似仲大過家姐，係大鼻妹嚟o架，哈哈！好感恩佢係好漂亮嘅孩子，好多親友睇咗相後都讚佢靚女。」
她坦言有了第1胎的經驗，今次生B時不太緊張及激動：「我今次係開刀，好多嘢都按照計劃發生，今次就真係冇咁緊張同激動，但當然嗰種開心同奇妙嘅感覺，依然係非筆墨所能形容。」