「魔鬼胸」蔚雨芯日前在社交網上載一輯歐洲宮廷造型照，穿上性感低胸裝的她化身公主，獲網民稱為女神，她笑說：「我本身鍾意比較型嘅，平時都係影啲cool嘅相，好少影呢啲elegant風格嘅嘢，都想試吓多啲唔同造型。」除了忙打理自家品牌，她坦言因為疫情都甚少出街，並說：「免得過就免，我都少出去玩，啲朋友叫我去飲嘢，都推咗，只係之前朱朱（朱晨麗）生日同佢食咗餐飯，因為年年生日都有同佢慶祝。」下月她將入劇組開工，惟未能透露詳情。