對於「少婦聯盟」好姊妹龔嘉欣多年來於演藝事業的努力，陳凱琳當然力撐，昨日她回覆時說：「我都知道今年嘉欣出咗好幾套劇，套套我都支持同有睇，喺《殺手》度佢好多打鬥戲，拍攝時間又長，當中嘅努力，我好希望大家都留意到！套劇口碑都好好，呢方面嘉欣都好大得益！（撐佢攞視后？）獎項方面，就抱平常心啦！最緊要佢嘅作品受歡迎，大家又鍾意睇，睇到佢嘅付出，咁私底下，當然會有私心（撐佢），哈哈！」
而譚凱琪亦讚嘉欣努力工作：「見到佢有好成績，當然戥佢開心。我梗係支持佢攞視后，大家合作過劇集《平安谷》，佢對工作好認真，從來唔會呻辛苦，因為知道佢鍾意演戲，努力嘅人係應該有回報！」