舞台劇再演情侶 鄧伊婷心有所屬 撻唔着袁鎮業
由藝人袁鎮業、鄧伊婷、楊埕和陳蕊蕊等演出的舞台劇《戀上十二星座》早前進行綵排，袁鎮業和鄧伊婷曾合作拍網片，今次再演情侶，可謂駕輕就熟。問到會否戲假情真？伊婷即時落閘：「我已有一個了解中嘅男性朋友，如果話我係佢女友，怕畀人打，佢咁高大靚仔，一定好多女仔鍾意！」
在劇中演男主角的袁鎮業，將與不同女角有感情戲，又有爆肌場面，演來聲嘶力竭。熱愛演戲的他坦言壓力大，問他是否覺得辛苦？他說：「唔怕，我鍾意先會由模特兒轉行全職演戲，多謝公司畀咁多機會我。」
陳蕊蕊考獲催眠師牌
至於忙發展個人餐廳生意的楊埕，首次參演舞台劇，綵排時與袁鎮業談情，但劇中卻有不少血腥場面：「劇情係我要死，會被吊高，未試過咁血腥。我覺得舞台劇挑戰性好大，要用好澎湃嘅感情演繹，又有好多內心戲，又癲又喊，所以要多啲時間準備。」
同樣首次演舞台劇的陳蕊蕊，疫情期間爭取時間自我增值，她謂：「我考咗催眠師牌、花藝師牌，仲想考埋潛水牌，唔想浪費時間。（冇時間拍拖？）了解中啦！」