獲欽點主持除夕騷 黎諾懿唔使講「港普」
黎諾懿憑節目《疫境廚神》人氣急升，再食住上主持《今晚請客》及《疫境廚神秋冬盛宴》，收視與口碑均不俗，加上靚仔又煮得，大受廣告商歡迎。有見及此，無綫特別欽點他拍住2大金牌司儀汪明荃與陳百祥，主持無綫與內地一個網站合作的除夕騷。對此，黎諾懿謙稱：「多謝公司，喺疫情下有工開已經好開心，我會珍惜每個工作機會。」
其「港普」向來是網民焦點，甚至被戲言超越張家輝及古天樂成為「港普之父」，今次演出與內地網站合作，他鬆口氣說：「好在唔使講普通話，可以講廣東話，所以我個心都定啲！」