「新丁」JW讓獎 菊梓喬唔瞓搲劇拍

菊梓喬攞過兩次「女歌星」獎，今年以平常心應戰。

菊梓喬、周柏豪、JW、泳兒、吳浩康、譚嘉儀及胡鴻鈞等，昨日齊集《2020勁歌金曲優秀選第二回》錄影，奪2獎的Hana比JW多1個獎，微露「勝利事業線」及大髀的她笑說：「都唔係咁性感，性感永遠同我冇乜關係。」2女同屬星夢，豈非同門力爭今年的「最受歡迎女歌星」？JW「讓賽」說：「我今年好少作品，真係完全冇諗獎項，Focus自己進步、多啲嘗試。」連奪2屆「女歌星」的Hana自言攞過已開心，記者打趣提議頒2個「女歌星」獎，她說：「所有嘢都係Bonus，今年出咗碟已滿足。」

周柏豪作歌大細超

談及首次拍劇，JW大呼緊張，飾演企業家的她將與林德信有感情線，但沒親熱戲。Hana則坦言恨再拍劇：「拍完《刑偵日記》好似上咗癮，我好鍾意開劇日夜顛倒嘅生活，因為唔想瞓覺，反正我瞓唔到。」

JW以西裝亮相，性感程度不及「師姐」菊梓喬。

做了爸爸的周柏豪罩不離口，非常小心。

同場的周柏豪透露，想待囡囡大一點才送歌給她：「想同佢多啲經歷先寫。」他反而寫了歌給爸爸：「做咗爸爸先明白爸爸嘅感受，雖然大壓力，但唔會表露出嚟。」問到媽咪可會呷醋？他笑說：「唔會，畀佢去旅行就得，但今年冇得去玩，同埋見少咗我哋同個孫。」

此外，傳捲入廖慧儀與墮樓身亡舊愛Sam感情事的孔德賢，昨日本有份主持，但最終冇影，監製麥鎮東與新主持占史代為解畫，指對方正拍攝劇集《把關者們》，並非臨時抽起：「佢入咗劇組，等佢安心拍劇，冇特別原因。（但通告話有佢？）係第1次開會嘅人選，嗰時度緊期，後來更新咗，唔係呢幾日嘅事。」